यस क्याम्पसको आयोजनामा विश्वविद्यालय अनुदान आयोग नेपालको आर्थिक सहयोगमा तेह्रथुम , धनकुटा र संखुवाशभाको छ वटा क्याम्पसका ५६ जना शिक्षक तथा विद्यार्थीहरुको सहभागीतामा देउरालीभूल्केधारा सामुदायिक वनको शभाकक्षमा मिति २०८०÷०१÷२८ र २९ गते दुइ दिने कार्यशाला गोष्ठी सम्पन्न भयो । उक्त कार्यक्रमको अध्यक्षता क्याम्पस संचालक समितिको अध्यक्ष तथा लालीगुराँस नगरपालिकाका प्रमुख अर्जुन मावोहाङ्गले गर्नु भएको थियो भने प्रमुख अतिथिको रुपमा त्रिभुवन विश्वविद्यालय क्षेत्रीय परीक्षा नियन्त्रण कार्यालय विराटनगरका सह परीक्षा नियन्त्रक डा. डिल्लीराम प्रसाँइले गर्नु भएको थियो । कार्यक्रमको संचालन सहायक क्याम्पस प्रमुख खगेन्द्र सुवेदीले गर्नु भएको थियो भने स्वागत तथा कार्यक्रमको उद्देश्य माथि प्रष्ट पार्ने काम क्याम्पस प्रमुख भीम प्रसाद दाहालले गर्नुभएको थियो । कार्यक्रमको सहजिकरण पूर्व क्याम्पस प्रमुख गणेश प्रसाद बराल, सहायक कार्यकारी अधिकृत सम्तकोशी डेभलपमेन्ट बैंकका कुमार खडका, पूर्व कोशी प्रदेश पर्यटन मन्त्री लछुमन तिवारीआदिले गर्नुभएको थियो ।